આત્મકથન /સંસ્મરણો : My Blog in Gujarati

Welcome! Gujarati mitro! This is my Blog in Gujarati. Let us help the Gujarati language to earn a distinct position on the NET.

Friday, July 14, 2006

ભાર વિનાનું ભણતર!

.

ભાર વિનાનું ભણતર!

પાંચ દાયકા પહેલા પ્રાથમિક શાળાના વિદ્યાર્થીની સંપત્તિ : એક થેલી કે દફતર; તેમાં દેશી હિસાબ, બે-એક પુસ્તકો, સ્લેટ અને પેન.

પ્રાથમિક શાળામાં નોટબુક ભાગ્યે જ વપરાતી. રૂટીન કામ સ્લેટમાં જ થતું.

મારા વિદ્યાર્થીઓ મને પ્રશ્ન કરે છે: સર, સ્લેટ એટલે શું?

સ્લેટ એટલે લાકડાની ફ્રેમમાં જડેલો કાળા પથ્થરનો સપાટ , “flat piece”. તેની બંને બાજુની લીસી સપાટી પર તમે માટીની પેન વડે લખી શકો. સાઈઝ આશરે આઠ ઈંચ બાય દસ-બાર ઈંચ.

સ્કૂલે જતા પહેલા ઘરના કંપાઉંડમાં પેનને અણી કાઢવા દોડીએ. ક્યારાને કિનારે ગોઠવેલી ઈંટોની કરકરી સપાટી પર સંભાળીને પેનને ઘસીએ. અણીદાર બનાવીએ. તે અણી જળવાઈ રહે તે માટે ક્યારાની ભીની માટીમાં પેનને હળવેથી ફેરવીએ અને પાક્કી કરીએ. બસ, મોતીના દાણા જેવા સુંદર અક્ષર લખવા માટે પેન તૈયાર.

સ્કૂલમાં સ્લેટ-પેન એજ સર્વસ્વ. ગુજરાતીના પાઠ હોય, ગણિતના દાખલા કે આંક કે વિજ્ઞાનના જવાબ .... બધું કામ સ્લેટ પર કરો. કામ કરો, શીખી લો; ભીના કપડાથી ભૂસી નાખો.

ભીની સ્લેટ સૂકવવા થોડી રમત કરી લો .... ભીની સ્લેટને હાથમાં પકડી હલાવતા રહો અને ગાતા જાવ:

ચકી ચકી પાણી પી .... બે પૈસાનો બરફ લાવ ...

ચકી પાણી પી જાય(!) અને સ્લેટ નવા કામ માટે કોરીકટ તૈયાર!

આજે નાનકડા ભૂલકાઓને ઈન્ફર્મેશન એજમાં માહિતીના ભાર નીચે દબાયેલા જોઈને વેદના પામું છું. આપણે તેમના બાળપણને કચડી નાખ્યું છે. ફર્સ્ટ સ્ટાન્ડર્ડથી ચાર-પાંચ-સાત વિષયો; દરેક વિષયના એક-બે પુસ્તકો, દરેક વિષયની ક્લાસવર્ક અને હોમવર્ક અલગ નોટબુકસ ... આપણે બાળકોને બોજાથી બેવડ કરી દીધાં છે. આપણે બુક્સ-નોટબુક્સમાં માહિતી ઠાંસી ઠાંસીને ભરી દીધી, તેમાં જ્ઞાન તો તલભારનું જ! બાળકને આપણે શું આપીએ છીએ?

અમે ભાર વગરનું ભણતર ભણ્યા, જીવનને સમજવાનું જ્ઞાન પણ રળ્યા!!

12 Comments:

  • At July 28, 2006, Blogger manvant said…

    આપની વાત સો ટકા સાચી છે ભાઈ! હવે આકાશ
    ફાટ્યું છે ,તેને થિંગડું કોણ દેશે ?

     
  • At July 29, 2006, Blogger Siddharth said…

    Your writings are amazing. I enjoy it greatly. સુંદર જૂના બાળપણનાં દિવસો યાદ આવે છે.

    સિદ્ધાર્થ

     
  • At September 04, 2006, Blogger Ketan said…

    saras!!! this reminds me of my own primary education. The name of school was mahila mandal...Palanpur.
    Missing those great times...

     
  • At September 25, 2006, Anonymous nilam doshi said…

    ભાર વિનાનું ભણતર...આજે એ સમય કયાં?જીવનને જોવાની દ્રષ્ટિ જ આજે બદલાઇ ગઇ નથી?

    સંસ્મરણો વાંચવાની મજા આવી.અભિનંદન.અને અનેક શુભેચ્છાઓ.

    http://paramujas.wordpress.com

     
  • At October 10, 2006, Anonymous Rajeshwari Shukla said…

    I recollected my memories...Congratulation.

     
  • At November 07, 2006, Anonymous Anonymous said…

    SAAV SAACHI VAAT.....BHANI GANI NE LOKO BHULYA CHHEY BHAAN....JOOTHA AADAMBAR MA JEEVE NE SAMJE POTANE MAHAAN....
    AAPNI TO YAADO MA PAN BACHPAN CHHHEY JYARE AJ NA BHULKAO PAASEY FAKT FARIYAAD CHHEY......

     
  • At January 25, 2009, Anonymous arvind said…

    ખૂબજ મજા આવી બચપણના એ દિવસો મમરાવાની. અત્યારે બાળકો ભણતરના ભારથી દબાઈ ગયા છે તે કરતાં પણ કદાચ મા-બાપની મહત્વ્કાંક્ષાથી વધારે દબાઈ ગયેલા જણાય છે. બાળકને એક સાધન માની એમની પાસેથી શું જોઈએ છીએ એ કદાચ આજના મા-બાપને જ ખબર નથી. બાળકને બધું જ આવડવું જોઈએ અને અને ટોપ રેંક પણ મેળવવી જ જોઈએ તેવો હઠાગ્રહ બાળકને કચડી નાખે છે પણ તેની પરવા મા-બાપને નથી.બધા મા-બાપને તમામે તમામ પ્રવૃતિમાં બાળકના પ્રથમ નંબરથી ઓછું ખપતું નથી. બાળક્નું બાલપણ છીનવી લેનારા આધુનિક મા-બાપ મને તો ક્યારેક ખરેખરા આતંકવાદી જ લાગે છે. મને મારા બાળપણના દિવસો અને નિશાળના એ મીઠા સંસ્મરણો યાદ આવી ગયા. એ દિવસોમાં વડિલો દ્વારા કહેવામાં આવતી વાર્તાઓ પઃ યાદ આવી ગઈ. આભાર આપનો એ માટે.
    મેં પણ મારો બ્લોગ બનાવેલ છે આપને મુલાકાત લેવા વિનતિ અને મેં વ્યકત કરેલા વિવિધ વિષયો ઉપરના વિચારો ઉપર આપના પ્રતિભાવો જાણવાની મને ખૂબજ ઉત્સુકતા રહેશે. આપ જરૂરથી અનૂકુળતાએ મુલાકાત લેશો. મારા બ્લોગની લીંક http.arvindadalja.wordpress.com ફરીને આભાર.

    આપનો
    અરવિંદ

     
  • At June 13, 2009, Anonymous Gujarati Search Engine said…

    ખૂબ સરસ. વાચવાની બહુ મજા આવી.

     
  • At December 25, 2009, Anonymous Anonymous said…

    it is very true, it reminds me my old school days,my child never seen this but I really enjoyed those days.
    my school name was n gu shaala.vaso

     
  • At November 01, 2011, Blogger life is a game so enjoy it now!!! said…

    tamaro blog n jane kya thi search karta
    mali gayo

    ane emay mane tamaro blog "bhar vagar nu bhanatar " mane khub gami gayo

    aa blog vanchata vanchta mane pan maru balpan yaad tazi karavi gayu

    thnaks

    it's very nice
    so beutiful scripts

     
  • At September 09, 2016, Anonymous Mayur said…

    sunar blog

     
  • At September 09, 2016, Blogger Mayur Prajapati said…

    sundar blog

     

Post a Comment

<< Home